السلام عليكم ورحمه الله وبركاته
احنا النهارده معانا 3 جوايز 3 انواع من الاعمال اى عمل هتعمله هتاخد 3 جوايز مستعدين نبدء يعنى يالا بينا اسمع يا سيدى
حبيبك النبى صلى عليه صلى الله عليه وسلم ثلاثه يحبهم الله ويضحك اليهم ويستبشر بهم عرفت 3 جوايز ياعم ييييييييه لسه برضه معرفتش طيب صحصح معايا هرتبهملك اهو
1_ يحبهم الله يعنى ربنا يحبك ياعم
2_ ويضحك اليهم وهيضحكلك كمان
3_ ويستبشر بهم
تعالى بقه علشان نفتح كل جايزه ونشوف جواها ايه وايه فايده الجايزه ده ومواصفاتها مستعدين
تعالو نفتح اول جايزه وهى يحبهم الله ياترى الجايزه دى كبيره طيب وفيها ايه لما ربنا يحبنى تعالى بقه نقول فيها ايه ونقول الجايزه دى مميزاتها ايه اسمع حبيبك النبى بيقول ايه اذا احب الله عبدا نادى جبريل يا جبريل انى احب فلانا فاحبه فيحبه جبريل ثم يقول جبريل لاهل السماء يا اهل السماء ان الله يحب فلان فاحبوه فيحبه اهل السماء ثم يضع له القبول فى الارض فهمت يا سيدى شكلك هتتعبنى معاك بص ياعم حبيبك النبى صلى عليه صلى الله عليه وسلم بيقول ايه اذا احب الله عبدا لو ربنا حبك ياعم اسمع بقه نادى جبريل يا جبريل انى احب فلانا فاحبه ياااااااااه فهمتها دى ربنا يحبك ويقول لسيدنا جبريل كمان يحبك فيحبه جبريل ثم يقول جبريل لاهل السماء ان الله يحب فلان فاحبوه فيحبه اهل السماء يااه تبقى حبيب ربنا وحبيب سيدنا جبريل وحبيب اهل السماء تعالى بقه نشوف الجايزه دى ليها مميزات تانيه عارفين الحديث الى فاذا احببته كنت سمعه الذى يسمع به وبصره الذى يبصر به ويده التى يبطش بها ورجله التى يمشى بها يا بختك يا سيدى انا شكلى هحسد الله يكون سمعك فكيف هو سمعك الله يكون بصرك فكيف هو بصرك مين هيبقى قدك ياعم طيب متيجى نكمل الحديث كده ولان سالنى لاعطينه يااااااااه يعنى لو رفعت ايدك وقولت يارب ربنا يقولك لك عبدى شوف بقه انت نفسك فى ايه وهو هيدهولك نفسك فى الجنه اطلبها منه وهو هيدهالك بس كده لا تعالى وبس ومتبقاش مستعجل ولئن استعاذنى لاعيذنه لو قولت يارب اعوذ بك من الشئ الفلانى ربنا يعوذك على طول ها هتخاف من ايه بقه وانتى لو استعذت به اعاذك دى كانت بعض مميزات الجايزه الاوله ايه رايكم لما نشوف الجايزه التانيه ولا اقولك لا لما اعرف الاول الجايزه الاوله عجبتكم ولا لا وعلى حسب الرد بتعكم هكمل الجايزه التانيه وهقول على 3 اعمال الى انت لو عملت منهم واحده بس هتاخد 3 جوايز مستنى الرد ويارب الموضوع يكون عجبكم [b]
الثلاثاء 04 مايو 2010, 03:05 من طرف 0Øياء0
موضوع: مين الى عايز الجايزه 
